Personnes
Personnages
| Personnages | nb | |
|---|---|---|
| ◀ | [sganarelle] | 12 |
| ◀ | [egyptienne] | 12 |
| ◀ | [demon] | 8 |
| ◀ | [egyptien] | 6 |
| ◀ | [plaisant] | 5 |
| ◀ | [geronimo] | 4 |
| ◀ | [chagrins] | 4 |
| ◀ | [soupcons] | 4 |
| ◀ | [espagnol] | 4 |
| ◀ | [espagnole] | 4 |
| ◀ | [galant] | 4 |
| ◀ | [magicien] | 3 |
| ◀ | [dorimene] | 2 |
| ◀ | [premiere_bohemienne] | 2 |
| ◀ | [seconde_bohemienne] | 2 |
| ◀ | [jalousie] | 2 |
| ◀ | [alcantor] | 1 |
| ◀ | [lycante] | 1 |
| ◀ | [premier_docteur] | 1 |
| ◀ | [second_docteur] | 1 |
| ◀ | [une_femme] | 1 |
| ◀ | [aristote] | 1 |
| ◀ | [maitre_danse] | 1 |
Le mariage forcé, ballet du Roy, dansé par S. M. le 29 jour de janvier 1664
Auec Priuilege de sa Majesté.
LES ACTEVRS DE LA COMEDIE.
Sganarelle. Molier.
Geronimo. La Thorilliere.
Dorimene. Madlle du Parc.
Alcantor. Bejart.
Lycante. La Grange.
Premier Boësmienne.Madlle. Bejart.
Seconde Boësmienne. Madlle. de Brie.
Premier Docteur. Brecourt.
Second Docteur. Du Croisy.
NP
LE MARIAGE FORCÉ.
BALLET.
ARGVMENT.
COMME il n’y a rien au monde qui soit si commun que le Mariage, & que c’est vne chose sur laquelle les hommes ordinairement se tournent le plus en ridicules ; il n’est pas merueilleux que ce soit toûjours la matiere de la pluspart des Comedies, aussi bien que des Ballets, qui sont des Comedies muëttes ; & c’est par là qu’on a pris l’Idée de cette Comedie-Mascarade.
p. 4
ACTE PREMIER.
SCENE PREMIERE.
SGanarelle demande conseil au Seigneur Geronimo s’il se doit marier, ou non : Cét amy luy dit franchement que le Mariage n’est gueres le fait d’vn homme de cinquante ans : Mais Sganarelle luy respond qu’il est resolu au Mariage, & l’autre, voyant cette extrauagance, de demander conseil apres vne resolution prise, luy conseille hautement de se marier, & le quitte en riant.
SCÈNE DEVXIESME.
La Maitresse de Sganarelle arriue, qui
luy dit qu’elle est rauie de se marier auec luy, pour pouuoit sortir promptement de la
sujession de son Pere, & auoir desormais toutes ses coudées franches ; & la-dessus
elle luy conte la maniere dont elle pretend viure auec luy, qui sera proprement la naïue
peinture d’vne Coquette acheuée. Sganarelle
reste seul assez estonné ; Il se plaint, apres ce discours, p. 5
d’vne pesanteur de teste
espouuantable, & se mettant en vn coin du
Theatre pour dormir, il voit en
songe vne femme representée par
Mademoiselle Hylaire, qui chante ce Recit.
RECIT DE LA BEAVTÉ.
PREMIERE ENTRÉE.
La Ialousie, les Chagrins, &les Soupçons.
La Ialousie, Le Sieur Doliuet.
Les chagrins, Les Sieurs S. André, &Desbrosses.
Les soupçons, Les Sieurs de Lorge, &le Chantre.
II. ENTRÉE.
Quatre Plaisans, ou Goguenars.
Le Comte d’Armagnac, Messieurs d’Heureux, Beauchamp, & des-Airs le jeune.
p. 6
ACTE SECOND.
SCENE PREMIERE.
LE Seigneur Geronimo esueille Sganarelle, qui lui veut conter le songe qu’il vient de faire : mais il luy respond qu’il n’entend rien aux songes, & que sur le sujet du Mariage il peut consulter deux sçauants qui sont contents de luy, dont l’vn suit la Philosophie d’Aristote, & l’autre est Pyrrhonien.
SCENE DEVXIESME.
IL trouue le premier qui l’estourdit de son caquet, & ne le laisse point parler ; ce qui l’oblige à le maltraitter.
SCENE TROISIEME.
ENsuite il rencontre l’autre, qui ne luy respond, suiuant sa doctrine, qu’en termes qui ne decident rien ; il le chasse auec colere, & la dessus arriuent deux Egyptiens, & quatre Egyptiennes.
p. 7
III. ENTRÉE.
Deux Egyptiens, &quatre Egyptiennes.
Deux Egyptiens, LE ROY, Le Marquis de Villeroy.
Egyptiennes, Le Marquis de Rassan, les Sieurs Raynal, Noblet, &la Pierre.
IL prend fantaisie à Sganarelle de se faire dire sa bonne auanture, & rencontrant deux Boësmiennes, il leur demande s’il sera heureux en son Mariage : pour responce ils se mettent à danser en se moquant de luy, ce qui l’oblige d’aller trouuer vn Magicien.
RECIT D’VN MAGICIEN.
Chanté par Monsieur Destiual.
Destinée. Ie te vais pour cela par mes charmes profondsCes gens la.
IV. ENTRÉE.
Vn Magicien qui fait sortir quatre Demons.
Le Magicien, Monsieur Beauchamp.
Quatre Demons, Messieurs d’Heureux, de Lorge, des-Airs l’aisné, &le Mercier.
SGanarelle les interroge, ils respondent par signes, & sortent en luy faisant les cornes.
p. 9
ACTE TROISIESME.
SCENE PREMIERE.
SGanarelle effrayé de ce presage, veut s’aller dégager au Pere, qui ayant oüy la proposition, luy respond qu’il n’a rien à luy dire, & qu’il lui va toute à l’heure enuoyer sa responce.
SCENE DEVXIESME.
CEtte responce est vn braue doucereux, son fils, qui vient auec ciuilité à Sganarelle, & luy fait vn petit compliment pour se couper la gorge ensemble. Sganarelle l’ayant refusé, il luy donne quelques coups de baston, le plus ciuilement du monde, & ces coups de baston le portent à demeurer d’accord d’espouser la fille.
SCENE TROISIESME.
SGanarelle touche les mains à la fille.
p. 10
V. ENTRÉE.
Vn Maistre à danser representé par M. Doliuet, qui vient enseigner vne courante à Sganarelle.
SCENE QVATRIESME.
LE Seigneur Geronimo vient se resiouïr auec son amy, & luy dit que les jeunes gens de la Ville ont preparé vne mascarade pour honorer ses Nopces.
Concert Espagnol, Chanté par
La Seignora Anna Bergerotti.
Bordigoni.
Chiarini.
Ion. Agustin.
Taillauaca.
Angelo Michaël.
VI. ENTRÉE.
Deux Espagnols, et deux Espagnoles.
Messieurs du Pille, &Tartas, Espagnols.
Messieurs de la Lanne, &de S. André, Espagnolles.
VII. ENTRÉE.
Vn Chariuarycrotesque.
Monsieur Lully, Les Sieurs Balthasard, Vagnac, Bonnard, la Pierre, Descouteaux, &les trois Opterres frères.
p. 12
VIII. ET DERNIERE ENTRÉE.
Quatre Gallands cajeollans la femme de Sganarelle.
Monsieur le Duc, Monsieur le Duc de S. Aignan, Messieurs Beauchamp, &Raynal.
FIN.